Geographic coverage

Дорнод, Дорноговь, Хэнтий, Өмнөговь, Баянхонгор, Өвөрхангай, Хөвсгөл, Сэлэнгэ, Дархан-Уул, Орхон, Ховд, Завхан

Үнэлгээний чиглэл

Дээрх аймгуудын хүрээнд төрийн байгууллагаас олгогдож байгаа хөрөнгө оруулалт, хөнгөлөлттэй зээлийн ил тод байдал, хүртээмжийг тодорхойлох (Орон нутаг хөгжлийн сан, Хоршоо хөгжүүлэх сан, Жижиг дунд үйлдвэрлэлийг хөгжүүлэх сан, Хөдөлмөр эрхлэлтийг дэмжих сан гэх мэт)

Үнэлгээ гүйцэтгэх хугацаа

2023/04/03-2023/06/2

Гүйцэтгэх ажил

Төрийн байгууллагуудын ил тод байдал, хүртээмжийг судлах судалгааны нэгдсэн арга зүйг боловсруулж, орон нутагт үйл ажиллагаа явуулдаг ТББ-г сонгон хамтран ажиллахын зэрэгцээ чиглүүлэх зөвлөгөө өгч, анхан шатны мэдээллийг судалгааны арга зүйн хүрээнд цуглуулан, цугларсан мэдээлэлд үр дүнгийн шинжилгээ хийж, орон нутаг тус бүрээр дүгнэлт, судалгааны үр дүнг танилцуулах танилцуулга бэлтгэх, ингэхдээ нөлөөллийн ажлын болон орон нутгийн төрийн байгууллагууд үйл ажиллагаандаа тусгаж болох зөвлөмжийг боловсруулах, зөвлөмжийг холбогдох төрийн байгууллагуудад хүргүүлсэн байна.

• Үнэлгээний арга зүйг боловсруулах
• Орон нутгийн ТББ-г сонгож /ажлын хөлсийг дамжуулах/, хамтран ажиллах, тэдгээрт чиглүүлэх зөвлөгөө өгөх, ингэхдээ төрийн байгууллагын үйл ажиллагаатай холбоотой мэдээлэл цуглуулах болон үнэлгээний ажилтай холбоотой зарим хууль тогтоомжийн хүрээнд чиглүүлэг өгөх
• Анхан шатны мэдээлэл цуглуулах ажлыг чиглүүлж, мэдээллийн чанарт хяналт тавьж, зөвлөмж өгөх
• Орон нутаг тус бүрийн сангуудад хийгдсэн үнэлгээний үр дүн, дүгнэлт боловсруулах
• Орон нутаг тус бүрээр нөлөөллийн ажлын санаачилга болон төрийн байгууллагуудад хэрэгжүүлэх боломжтой зөвлөмжийн танилцуулга өгөх
• Үнэлгээний ажлын нэгдсэн дүгнэлт, танилцуулгыг боловсруулах
• Өмнөх жилүүдийн үнэлгээний ажилтай уялдсан харьцуулсан дүгнэлт хийх
• Үнэлгээний ажлын нэгдсэн тайлан, танилцуулгыг боловсруулах
• Үнэлгээний ажилтай холбоотой цуглуулсан судалгааны анхдагч мэдээллүүдийг хүлээлгэн өгөх

Бүрдүүлэх материал

Сонирхлоо ирүүлж буй байгууллага нь уг үнэлгээг гүйцэтгэх чадвартайг нотлох дараах материалыг ирүүлнэ: Байгууллага танилцуулга /3 нүүрээс хэтрэхгүй/, Үнэлгээ, шинжилгээ тэр дундаа Төрийн байгууллагын ил тод байдал, мэдээлэл дамжуулалт, орон нутгийн хөгжил чиглэлээр судалгаанууд хэрэгжүүлж байсан тухай танилцуулга; Үнэлгээний арга зүй боловсруулах, шинжилгээ хийх, тайлан дүгнэлт боловсруулах чиглэлээр мэргэжлийн боловсон хүчний танилцуулга /5 нүүрээс хэтрэхгүй/; Үнэлгээний ажлыг хийх аргачлал, түүний давуу талын талаарх урьдчилсан санал; Үнэлгээний ажлыг хийж гүйцэтгэх ажлын хуваарь, нарийвчилсан төсөв (Орон нутагт ажиллах томилолт, тээврийн зардлыг тусгасан байх) болон өөрийн байгууллагын албан бланк дээр үнийн санал (үнийн саналд НӨАТ шингэсэн эсэхийг тодорхой бичих).