ТАНИЛЦУУЛГА

Хөгжлийн Шийдэл ТББ нь Уур амьсгалын өөрчлөлттэй холбоотой сөрөг нөлөөллийг бууруулах, иргэдийг аюулгүй байдлыг хангах зорилгоор Дасан зохицох сангийн санхүүжилттэй Монгол Улс НҮБ-н ХАБИТАТ байгууллагын хэрэгжүүлж буй “Улаанбаатар хотын гэр хорооллын иргэдийн үерийг тэсвэрлэх чадавхыг нэмэгдүүлэх төсөл”-ийг хамтран хэрэгжүүлж байна. Энэхүү төсөл нь голын болон халиа, тошинд автах өндөр эрсдэл бүхий Улаанбаатар хотын Сонгинохайрхан, Сүхбаатар дүүргүүдийн иргэдийн үерийг тэсвэрлэх чадавхыг бэхжүүлэх бөгөөд улс орны хэмжээнд баримтлах бодлого, зохицуулалтыг сайжруулах, уур амьсгалын өөрчлөлтөд дасан зохицох чадавхыг улс, орон нутаг, олон нийтийн түвшинд бий болгох, зорилтод гэр хорооллын нутаг дэвсгэрт үерээс хамгаалах инженерийн байгууламж барих, төслийн үр дүнгийн тогтвортой байдлыг хангах, мэдлэг мэдээллийг санг бий болгож, иргэдийн бүлгийн оролцоог бий болгох зэрэг олон ажлуудыг багтаасан.

ТЕНДЕРИЙН УРИЛГА

 Огноо:  2025-07–01

Тендер шалгаруулалтын дугаар: T2025/02     

Тендер шалгаруулалтын нэр:   Сонгинохайрхан дүүргийн 26-р хорооны нутаг дэвсгэрт Толгойт голын үерийн хамгаалалтын суваг барих 2-р багц ажил

 Хөгжлийн шийдэл төрийн бус байгууллага нь эрх бүхий тендерт оролцогчдоос “Толгойт голын үерийн хамгаалалтын суваг барих 2-р багц ажил ”-г гүйцэтгэх тухай битүүмжилсэн тендер ирүүлэхийг урьж байна.

Тендерт оролцогч нь санхүүгийн болон туршлагын дараах шаардлагыг хангасан байна. Үүнд:

• Борлуулалтын хэмжээ: Сүүлийн 3 жил буюу 2022, 2023, 2024 онуудын борлуулалтын орлогын дундаж хэмжээ нь тендерийн төсвийн 40% ба түүнээс дээш байна.
• Түргэн хөрвөх чадвартай хөрөнгө болон авах боломжтой зээлийн хэмжээ: Санал болгож буй үнийн дүнгийн 40% ба түүнээс дээш байна.
• Санхүүгийн тайлан ирүүлэх жилийн тоо: Сүүлийн 3 жил буюу 2022, 2023, 2024 онуудын жилийн эцсийн аудитаар баталгаажуулсан санхүүгийн тайланг ирүүлнэ.
• Тусгай зөвшөөрөл шаардлагатай эсэх: Тийм
• БА-3.2 Усны барилга байгууламжийн угсралт, өргөтгөл, шинэчлэлийн ажил

Тендер нь түүнийг нээсэн өдрөөс эхлэн 30 хоногийн туршид хүчинтэй байна.

Тендерийн хамт 27.000.000 (хорин долоон сая) төгрөгийн дүнтэй тендерийн баталгаа ирүүлнэ. Тендерийн баталгаа нь тендерийн хүчинтэй хугацаанаас хойш 28 хоногт хүчинтэй байна.

Тендерийг 2025 оны 7 дугаар сарын 08-ны өдрийн 09 цаг 50 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2025 оны 7 дугаар сарын 08-ны өдрийн 10 цаг 00 минутад нээнэ.

Гадаадын этгээд тендер ирүүлэх эрхгүй.

Дотоодын давуу эрх тооцохгүй.

Сонирхсон этгээд тендерийн баримт бичиг болон бусад мэдээллийг доорхи хаягаар ирж  авна уу.

Хаяг: Чингэлтэй дүүрэг, 5-р хороо, Премиум паласе,

5 дугаар давхар, 512 тоот